DOMINGO 26 ABRIL 2015
XXVI FESTA DO CHAMPIÑON EN ORDES
Bares e restaurantes da zona repartirán de balde tapas e racións elaboradas con este produto. En total estímanse que serán máis de 7.000 quilos os que se preparen para ser degustados ao longo de todo o día por veciños e visitantes.
Ás 11 horas darán comezo as exhibicións e probas de Agility canina nas inmediacións do Campo da Feira. Outra novidade será a exhibición de vehículos de competición.
O grupo de gaitas OS VIQUEIRAS DE ORDES, a BANDA DE MÚSICA DE ORDES e as charangas NBA e MEKÁNICA animarán a festa durante todo o día.
