O vindeiro venres día 1 de abril, temos unha "Noite de Tasca" moi movida. Xa a partir das nove da noite haberá grupos de gaiteiros percorrendo os bares da Pontecarreira para xuntarnos logo aí sobre as 22:00 h no Restaurante O CADAVAL.
Aviso importante: estarán connosco gravando da TVG para o programa "VAIA TROULA" que se emitirá o próximo sábado día 9.
Como grupo convidado especial temos ao Grupo de Música Tradicional da Asociación de Veciños REXENTE da Pontecarreira e despois todos aqueles que queirades participar.
As 23:30 h dará comezo a Semifinal do I CONCURSO DE ATURUXOS que estamos a celebrar este ano. Os clasificados pasarán á gran FINAL que se celebrará o venres 6 de maio en Cerceda, con premios para os gañadores.
Colaboran con nós: O Concello de Frades e Os Reiceiros da Pontecarreira.
